الكريب الحلو

المقادير

كوب لبن

كوب دقيق مليااان

رشة ملح

ملعقة صغيرة سكر

بيضه كبيرة

فانيليا

و نحطهم كلهم في الخلاط و نضرب

علشان مايبقاش فيه كلاكيع


لو عايزة قرص الكريب يكون بالشيكولاته


يبقي ننقص من كوب الدقيق مقدار ملعقتين كبار و نستبدلهم بملعقتين كاكاو خام.


الكريب الحلو


و المقادير ديه تعمل تقريبا من 6 ل7 اقراص بحجم وسط

بس انا في الكريب الحلو بحب اعمل اقراص صغيرة

شكلها بيكون اشيك

فكده هيطلع عدد اكتر

طبعا بنستخدم طاسة تيفال او اي طاسة مايلزقش فيها الاكل


و بعدين ندهنها زيت او سمن


(علي حسب الرغبة)

و نحط بالكبشة في نصف الطاسة


و نوزع في باقي اطراف الطاسة بأننا نميل الطاسة في الاتجاهات الفاضية علشان تتملي

لما بنحط الكبشة بالخليط نراعي ان النار تكون هادية علشان نلحق نوزع الخليط في انحاء الطاسة بالتساوي بعدين نعليو نتابع لما بيدأ القرص في الاحمرار من تحت

(طبعا هنعرف انه احمر بأننا نستخدم ملعقة او سكين و نرفع بيها طرف القرص شوي )

هو مش لازم يكون محمر اوي يفضل يكون لونه بصلي كده

[ندعوك للتسجيل في المنتدى أو التعريف بنفسك لمعاينة هذه الصورة] :