هااااااااااااا حنروووووح المصيااااااااااااف

-عشان نروح المصيف طبعا في شوية حاجات ضروري لازم نعملها واكيد طبعا حنساعد بعض في البيت فأول حاجة هي
1- هنضف
البيت تنضيفه تمام مش ترويق لا تنضيف يعني تنفضي الشبابيك وتمسحي البيت
كله والستاير لو محتاجه تتغسل اغسليها وهننضف المطبخ ونخليه فله واللي
تقولي هيتبهدل تاني لا صدقيني بيفرق قوي وانتي داخله البيت ولاقياه نضيف مش
محتاج غير كنس وتلميع
2- التلاجه تتنضف كويس وتفضيها الخضار يتفرز والاجبان في الفريزر ولو مش هتغيبي لفيها كويس
3- بالنسبه للشنط اكتبي اللي هتحتاجيه عشان متنسيش حاجه واللي هتحتاجيه
ملابس خروج بس مش كتير
كام طقم للبيت
ملابس البحر
شباشب للبيت والبحر
كريم للشعر والبشره عشان الشمس
امشاط
معجون اسنان
برانس او بشاكير عشان الولاد
فوط وملايات علي قد الاستخدام
شواحن الموبايلات
اسدال للصلاه
هنجهز كل حاجتنا ونرصها رصه حلوه عشان متخدش مكان كبير في الشنط
خلصنا البيت والشنط
الحاجات دي بتجهزيها حاجه حاجه كل متجيبي حاجه جهزيها فمبتبقاش مرهقه
3- الاكل طبعا مش كلنا
يقدر علي المطاعم ولو رحنا مرتين تلاته كفايه اوي طب وبعدين المصيف عايز
غدا وعشا وياسلام لو تجهزي العشا وتروحي عالبحر
طب هنعمل ايه؟
انا بجهز الاكل من بدايه الشهر
وانا بجيب خزين الشهر بروح لبتاع الفراخ بجيب خزين الشهر وازود فراخ اروح
اغسلها كويس واتبلها بطماطم وبصل وفلفل مضروبين فالخلاط وعليهم ملح وفلفل
للشوا واما هتخدي شوايه او تشويها بره وبجيب بانيه اتبله واحطه فالبيض
والبقسماط واحطه في طبق واغطيه بكيس وعالفريزر بطلعه بتلجه عالزيت بيبقي
جميل ومقرمش
بروح للجزار اجيب مفروم اتبله
واصبعه وعالفريزر وعالفرن تعملي اسرع كفته وبجيب لحمه اقطعها شاورما
واتبلها عالتسويه علي طول وممكن تسويها كمان وتطلعيها عالتسخين
بعمل عجينه بيتزا
بعمل كبده واحطها فالرده كمان عالقلي علي طول
اوقات بجهز فراخ بالكورن فليكس واطلعها عالزيت
ممكن مكرونه بشاميل عالتسويه
صلصه المكرونه
تعملي الحواوشي وتحشيه وترصيه فوق بعضه وتطلعيه بتلجه عالفرن
الحاجات دي ممكن تكون كتير بس المصيف عايز غدا وعشا
وطبعا الاسماك بس دي جاهزه
خلاص جهزنا الشنط والاكل كله والبيت زي الفل يالاه بئه علي اسكندرية اكيد
اشوفكم هناك
سلالالالام

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]