النظارة السوداء ........... بقلمى

[ندعوك للتسجيل في المنتدى أو التعريف بنفسك لمعاينة هذه الصورة]

النظارة السوداء ........... بقلمى
الى جمهورى الحبيب
و اصدقائى الاعزاء
اشتقت لكم كثييييييرا
و اشتقت الى ردودكم و تعليقاتكم على
كتاباتى كثيراااا

هذه ليست قصة بالمعنى المعروف
و لكنها قطعة ادبية عن
معاناه الفتيات فى القرن ال 21
فيها استخدمت طريقة جديدة و هى
الكتابة بالطريقة العامية
مع اننى اكره هذه الطريقة
لعشقى الشديد لللغة العربية الفصحى
لكننى و جدت ان هكذا سيكون الموضوع
احلى
اتمنى ان ينال اعجابكم
و بالطبع انتظر ردكم

النضارة السودة ......

[ندعوك للتسجيل في المنتدى أو التعريف بنفسك لمعاينة هذه الصورة]

كل
الناس بتسألنى ليه دايما لبسة نضارة سودة ؟؟؟ و بتبصى للدنيا بنظرة تشاؤم فى السن
ده ؟؟؟ ده انت فى العشرينات يعنى ربيع العمر ليه بس كدة يا بنتى ؟؟؟؟ و ايه القصص
اللى انت بتكتبها ديه ؟؟؟ ديه تجيب الغم ؟؟ولا الافلام الهندى اللى انت نتشوفيها
ديه؟؟ عيشى حياتك و افرحى امال لما تكبرى حتعملى ايه ؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

رديت
على الناس ديه و قولتلهم ابص للدنيا ازاى بنظرة بمبى فى بمبى ؟؟؟ و ازاى اقلع
النضارة السودة ؟؟؟؟ فى ايه فى الدنيا افرح عشانه ؟؟؟ ده مش انا بس معظم بنات جيلى
كده .. احنا صحيح عندنا 20 سنة لكن اللى يبصنا يلاقى عندنا 60 سنة من الهم و الغم
و اللى شيفينه ....
لو
بصيت على حالى الاقى نفسى دخلت كلية مش عيزاها .. مطحونة بين المذاكرة و الابحاث و
التكاليف اللى ملهاش لازمة ... وفى الاخر حنتخرج جهلة معاهم باكالوريوس ... عشان بنذاكر عشان نمتحن مش عشا نتعلم ...
ده طبعا نضيف عليه تأخر التعليم فى مصر يعنى قلته احسن ... مش بس كدة ده كمان حطلع
مدرسة فشلة لانى حدرس مادة بكرها من صغرى و فاقد الشئ لا يعطيه طبعا ... كل ده
طبعا لو حصلت المعجزة و اشتغلت طبعا ...

اما
لو بصيت للمستقبل و فكرت فى الجواز الاقى
شبح العنوسة غيم عليا ... و لو حصل و جه العريس اضمن ازاى انه كويس ؟؟؟ مش من
الشباب اللى بيحط جل و السماعات فى ودانه على اغانى مسفة ومافيهاش معانى ؟؟ و كل
اللى بيفكر فيه ان تامر حسنى نزل الشريط الجديد او كليب اليسا الجديد تحفة ؟؟؟

بقى
هى ديه الرجالة اللى تتحمل مسؤلية البيت و العيال ؟؟؟ و لو كان كويس الظروف اللى
حولنا سواء اقتصادية او سياسية حتأثر على حياتنا ؟؟؟ لو خلفنا حنجيب عيال نعذبهم
فى الدنيا معنا و نموت و احنا
خايفين
عليهم ... من عم مثلا ياكل حقهم .. و لا هم نفسهم ياكلوا فى بعض ...
ده
الاضافة الى عبارات المتجوزين ... اللى تقولك بلا جواز بلا ارف ... و اللى تقول
ياريتنى كنت فى بيت ابويا ذى ما كنت .. او مفيش حب فى الزمن ده انا عايزة اربى
العيال ... او قلة الجواز احسن ده اللى انت فيه رحمة انى غاوية عذاب .. تسمعهم تحس
انهم فى حرب .....

[ندعوك للتسجيل في المنتدى أو التعريف بنفسك لمعاينة هذه الصورة]

اما
اذا طلعت الى العالم حوليا و سبت مشكلى
شوية ... حلاقى البنات مش لبسين و
الشباب مش ساكتين ... و كلنا فى التوهة ضايعين ... بنات بشرب شيشة و شباب تشرب
حشيش و خلافه انتم طبعا عاريفين ... مش
كدة و بس لأ ديه مصر و الجزائر كمان يبضربوا فى بعض عشان مطش كورة ... ماسكين لبعض
ساكين و مستحلفين .......
نضيف
على كده تأخر التعليم و الطب و الهندسة و انعدام الضمير و غفلة الدين و البعد عن
الرحمن الرحيم ... و السرقة و النهب و الرشوة و الدروس المنتشرين ...
ده
طبعا غير الامراض المنتشرة اللى مخلينا خايفين من بعض و عايشين مهددين خايفين من
اى حد يعطس او يكح جمبنا و خايفين نسافر نحج ولا ناخد المصل الللى بيقولوا عليه
..... ده غير طبقة الاوزون اللى عمال الخرم فيها يزيد و طبعا ما ننساش التلوث
الهوائى و المائى و بالمناسبة مشكلنا مع اثيوبيا
بسبب ميه النيل ... ده طبعا غير الاكل الملوث اللى كله كيمويات ... و الميه
الملوثة ...

[ندعوك للتسجيل في المنتدى أو التعريف بنفسك لمعاينة هذه الصورة]

كل
ده و ماكلمناش عن امريكا و اسرائيل و اللى عملينه فينا و فى العرب كلهم ... و انا
مش مجتاجة افكركم بالمدابح اللى بيعملوها اصل انا مش عايزة اغمكم اكثر من كدة
عرفتوا
دلوقتى ليه انا بحب اتفرج على افلام كئيبة و افلام هندى ؟؟؟ و احب اوى الفيلم اللى
البطل او البطلة بيموتوا فى الاخر ؟؟؟ و اظن انكم عرفتوا ما سر كتابة قصص حزينة؟؟؟
على
العموم الحمد لله على كل شئ انا احسن من ناس كتير ظروفهم اوحش من ظروفى ... و انا
مش يائسة من حياتى دائما عندى امل ... و املى فى ربنا كبير... بس مش عايزة حد
يقولى تانى اقلعى النضارة السودة .... لانى لما حولت اقلعها و ابص لنص الكوباية
المليان اكتشفت ان الكوباية كلها فاضية
....
على
رأى المثل ( هم يبكى و هم يضحك )
ههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

ارجو ان لا تنزعجوا منى
انا أردت فقط ان اخرج ما بداخلى
و ليس انا وحدى كذلك
لكن هذه سمة الجيل
شكرا على القراءة
انا لست ناقمة على الحياه
اتمنى ان اجد ردكم
خالى من المجاملة مدعم بالنقد البناء
شكرااااااااااااااااااااا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

اولا ياايمان بشكرك علي تلك الخواطر التي عبرت عن مابداخلنا كلنا
ومعاكي حق في كل كلمة قلتيها يمكن تقريبا انا لو كتبت حاجة زي دي يمكن مفيش حد حيكملها من كتر المشاكل اللي عندي واللي قليل جدا يعرفوها وهما ماما وبابا وايمان اختي ربنا يخليهم ، وبعدين يمكن انتي قولتي حاجة مهمة اوي وبالذات بالنسبة لي وهي قسم مش بنحبه ، طيب تعملي ايه لو انتي زيي انك حولتي اصلا من علمي لادبي بعد ماكان الكل من مدرسين وزملائي بيقولولي اني داخلة طب يعني داخله ده المدرس بتاعي كان بيقولي انا اللي حقدملك الورق في كلية الطب وكان بيتخانق مع زميله عشان عايز يدخلني صيدلة ووالله زي مابقولك كنت بعشق حاجة اسمها كيمياء وفيزياء واحياء ودايما اجيب فيهم الدرجات النهائية ومواد التاريخ والجغرافيا لغاية اولي ثانوي كنت بنجح فيهم بدعا الوالدين زي مابقولوا كده وكل ده اتغير واتغير معاه مستقبلي كله وبسبب ايه اني في امتحانات الثانوية العامة تعبت بس تعب شديد شوية زي اللي بيجيلي ساعات في الكلية واظن انتي اكتر واحدة بتشوفيني عاملة ازاي
يعني بمعني اصح دخلت مجال انا مبحوش ولا ححبه وبرغم من كده اتحملت ولكن لما دخلت الكلية للاسف دخلت نفس القسم اللي ماصدقت خلصت منه في ثالثة ثانوي يعني غير راضية عنه بالمرة عشان كده تلاقيني تفكيري كله في مواد التربوي لانه بيكسر حدة التاريخ شوية ده بالنسبة للشعبة والموضوع ده بجد هي اكتر حاجة كسرتني ولغاية دلوقتي بتسبب جرح كبير عندي عمر مااي فرحة ممكن تداويه
بالنسبة للصحة فانا والحمد لله الدكاترة بيقولولي اني صحة واحدة عندها 80 سنة في شكل واحدة عندها 20 سنة وده من كتر اللي عندي لكن ارجع واقول الحمد لله
وبالنسبة للرجال يعني بلاش نكون ظالمين اوي لان فعلا فيه ناس لسه محترمين لكن معاكي ان معظم الشباب من طلاب الكليات زي ماقولتي من غير مااكرر
والاغاني الحمد لله لابحب تامر ولاعمرو ولا اليسا حتي
اما بقي التكليفات والبحوث حبيبتنا فاحب اقولك ان مكتبة اسكندرية فاضلهم شوية وحيعملولنا تمثال من كتر مابنروحها

اقولك حاجة من الاخر انا كمان هاتيلي نظارة سوداء لكن اكبر حجم عندك مع اني نظري ضعييف اصلا وبشوف كله خيالات ومشوش وده حاجة طبيعية لكل اللي بيحصل فينا لكن ارجع واقولك لازم نحمد ربنا علي كل حاجة حتي لو مش راضين بها لان الرضا والقناعة كنز كبير جدا وصدقيني بيصبروا علي حاجات كتير

اسفة علي الاطالة لكن موضوعك جعلني اخرج حاجة من الحاجات اللي جوايا ومش بخرجها لاني شخصية كتومة جدا ماعدا مع بابا وماما واختي

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

النظارة السوداء ........... بقلمى 708515

يا لهوى عالتشاؤم يا شيخه حرااااااااااااااااااااام
بس هقولك حاجه الواقع اللى انتى فيه ممكن تغيريه وما تستسلميش
وتتكلى على الله عشان تعيشى فى رضا وسعاده
وانا مش معاكى فى التشاؤم ده

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لكل من دخل على صفحتى
و شكر اكبر لكل من رد عليها

شكرا لك اسراء يا مديرتى الجليلة
و انا سعيدة على الاطالة
و سعيدة بكل ما كتبتيه
لان هذا يدل على اهتمامك بالموضوع
شكرا لك كثيرااااااااااااااا

[ندعوك للتسجيل في المنتدى أو التعريف بنفسك لمعاينة هذه الصورة]

و شكرا لك سمسم صلاح
على رد و على كلامتك
على فكرة يا اسماء
انا دائما اعتمد على الله
و عندى امل فى الله كبير
و بحاول اغير من حولى
لكنى فقط حاولت اخراج ما بداخلى
شكراااااااااااااااا لك

[ندعوك للتسجيل في المنتدى أو التعريف بنفسك لمعاينة هذه الصورة]

عزيزتى الدنيا فيها الكثير من الخير وفيها المثير من الجمال تحلى بالايمان والصبر وسوف ترين حلاوة الايمان بالله وسوف تتمتعين بثواب طاعته وان شاء الله ستجدين رجلا مناسبا يعينك وتعينيه على طاعة الله وارجو ان تكونى كما يقول الرسول صلى الله عليه وسلم الدنيا متاع وخير متاعها المراة الصالحة فكونى هى وسوف ترزقين بابناء يحيلون صحراء حياتك الى جنات وارفة الظلال ان شاء الله فالزمى التفاؤل

[ندعوك للتسجيل في المنتدى أو التعريف بنفسك لمعاينة هذه الصورة]

شكرا يا استاذ حسان
على المرور و الرد الطيب
و النصاح الغالية و الدعوات الصالحة
اشكرا و باذن الله سأفعل بكلامك
نورتنى

[ندعوك للتسجيل في المنتدى أو التعريف بنفسك لمعاينة هذه الصورة]

سعيد لان ردى وصلك وارجو لك الخير الدائم وعموما انا حسن وليس حسان وكيل لغة عربية بالازهر الشريف وظنى بالله انه سوف يوفقك للخير ما دمت متمسكة بتعاليمه وتذكرى حديثه القدسى انا عند ظن عبدى بى فارجو ان تحسنى الظن بالله

[ندعوك للتسجيل في المنتدى أو التعريف بنفسك لمعاينة هذه الصورة]

اشكرك مرة اخرى يا استاذ حسن
على الرد و النصحية
واسفة جدا على الخطأ فى اسم حضرتك
شكرا على الدعوة و الحديث
تشرفت بكلامك

[ندعوك للتسجيل في المنتدى أو التعريف بنفسك لمعاينة هذه الصورة]

» كم اتمنى الحج ............ بقلمى
» حلمت ان أكون ..... بقلمى
» ... رحيل الأمل ... بقلمى