اشهى اكلات عيد الاضحى المبارك ؟؟؟

السلام عليكم ورحمة الله وبركاته
اشهى اكلات عيد الاضحى المبارك

أولا: كل سنة وكل المسلمين في مشارق الأرض ومغاربها طيبين
ويا رب يكون عيد سعيد على كل الناس...
طبعا كلنا عارفين إن عيد الاضحي هو عيد اللحمة، علشان كده
هاقدم لكم النهارده مجموعة متنوعة من الأكلات المناسبة لعيد

الأضحى المبارك...

الفتّة اللذيذة

[ندعوك للتسجيل في المنتدى أو التعريف بنفسك لمعاينة هذه الصورة]

أكيد العيد مش هيكون عيد من غير طبق الفتة اللذيذ ودي أحسن
طريقة لعمل الفتة..

المقادير:
• كيلو لحم ضأن مقطع بالعظم ويا ريت يكون "لحم الكتف".
• نص كيلو رز.
• ماء ساخن.
• بصلة كبيرة ومقطعة قطع صغيرة.
• 2فص حبهان.
• ملعقة قرنفل.
• 6فصوص ثوم مهروس.
• رغيف خبز محمص.
• نصف ملعقة صغيرة مبشور جوزة الطيب.
• عود قرفة.
• ورقة لاورا.
• ملح.
• كوباية كبيرة عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض.
الطريقة:
1. هنسلق اللحمة الضاني ونضيف ليها عند السلق بصلة وورقة
لاورا وفص حبهان وملعقة القرنفل والملح ونسيبها لغاية ما تستوي.
2. أثناء ما اللحمة بتستوي هنجيبِ الأرز ونغسله وبعد كده نجيب
الصينية اللي هنعمل فيها الأرز ونحط فيها ملعقة ونصف سمنة وبعد
كده نضيف ليها الرز ونقلبه على النار لمدة خمس دقائق بعد كده
نجيب ميه ونضيف ليها شوية ملح ونضيفها للرز ونسيبه على نار
هادية لغاية ما يستوي.
3. هنجيب بصلة ونقطعها قطع صغيرة ونحمرها في السمنة لغاية
ما نلاقي لونها بدأ يميل إلى اللون الأصفر نضيف ليها التوم مع
التقليب لما نلاقيهم لونهم بدأ يكون ذهبي نضيف ليهم كوب عصير
الطماطم والصلصة ونسيبهم على نار هادئة لمدة 10 دقائق،
ونضيف ليهم شوية شوربة ونسيبهم على النار لمدة ربع ساعة.
4. بعد كده هنجيب الصينية ونقطع فيها الخبز ونضيف ليه شوربة
اللحمة ونسيبهم لمدة عشر دقائق علشان العيش يتشرب من الشوربة.
5. هنجيب طبق كبير ونحط فيه الأرز والخبز ونحط فوقهم
الصلصة اللي عملناها ومن فوقها اللحمة..

وبالهنا والشفا

لحمة ضانى مشوية
[ندعوك للتسجيل في المنتدى أو التعريف بنفسك لمعاينة هذه الصورة]

لحمة ضاني مشوية

المقادير:
• لحمة ضاني مقطعة مكعبات متوسطة الحجم أو "ريش".
• كوب كبير عصير طماطم.
• ملعقة صغيرة فلفل أسود.
• ملعقة صغيرة شطة حمراء ناعمة.
• 10 فصوص ثوم.
• ملعقة كبيرة خل أبيض.
• ملعقة كبيرة كمون مطحون.
• 1 حبة جوزة الطيب مبشورة ناعم.
• 1 بصلة كبيرة.
• فلفل رومي أخضر.
• نص فنجان زيت
الطريقة:
1. هنجيب اللحمة ونغسلها كويس.
2. هنجهز تتبيلة اللحمة وهي عبارة عن "الزيت + الخل + الكمون
+ جوزة الطيب + البصلة + عصير الطماطم + الفلفل الأسود +
الفلفل الأخضر + الثوم + الشطة" ونضربهم مع بعض في الخلاط.
3. بعد كده هنجيب صينية وندهنها بالخليط ده وبعد كده نبدأ في
رص اللحمة في صورة طبقات وبين كل طبقة وطبقة نحط خلطة
التتبيل...
4. بعد ما نخلص من رص اللحمة نحطها وخليط التتبيل في التلاجة
لمدة 3 ساعات، بعد كده نخرجها ونشويها على الشواية الكهرباء أو
الفحم...

وبالهنا والشفا

» عيد الاضحى المبارك
» تهنئة لمديرة المنتدى و لجميع اعضاء المنتدى ومشرفيه بمناسبة عيد الاضحى المبارك
» للطلاب فى ايام الامتحانات اليكم اكلات لتقوية الذاكرة !!!!!؟؟؟؟