Dr.Emanis Admin المدير العام للمنتدى
الابراج : عدد المساهمات : 1485 تاريخ التسجيل : 25/06/2009 العمر : 39
| موضوع: ابليس يهاجر مصر الجمعة 03 يوليو 2009, 11:30 pm | |
| على باب سفارة كندا.. لمحت ابليس و ف ايده استماره..
بقول له على فين.. قاللي بص .. يا هجره يا اعاره..
يا عم زهقت.. كفرت .. الاقيش معاك سيجاره..
انا انتهيت خلاص .. لا نافع وسواس ولا خناس
ولا ليا عيش وسط الناس..
دي عالم مجرمين.. عندكوا فائض ف الفساد..
في كل البلاد..
ومش محتاجين شياطين .. مليش عيش ف دي البلاد..
....
بقالي سنين عاطل .
و انتوا بتعرفوا تقلبوا الحق باطل..
و تسلكوا القاتل .. و تمشوا ف جنازة المقتول..
ومفيش مشاكل..
يا عم ده انا بقيت أوسوس بالمقلوب..
و أقول للحرامي .. كفايه بقى .. توووووب..
انت ايه . لوحدك هاتعمل كل الذنوب..
و أنا ابليس أشتغل واعظ .. ولا كمساري ف اتوبيس..
يا عم ده انا زمان
كنت استنى حد ينسى يسمي وهو بياكل لقمته..
دلوقتي كل اكلكم ملوث .. و بصراحه الواحد خايف على صحته..
ده مفيش ضمير اساساً عشان اموته..
و كل واحد بمزاجه .. خربانه ذمته..
يا عم ده كل حاجه اتسرقت..
وكده الاجيال الجديده م الحراميه اتظلمت..
يا راجل ده من كتر ما لطشت معايا..
خرجت ف مظاهره مع الناس اللي بتقول كفايه..
و برضه ......... مفيش فايده
عدل سابقا من قبل dr.eman hussein في الجمعة 03 يوليو 2009, 11:41 pm عدل 1 مرات | |
|
أبلة حكمت supervisour مشرفة
الابراج : عدد المساهمات : 1330 تاريخ التسجيل : 24/06/2009 العمر : 35
| موضوع: رد الجمعة 03 يوليو 2009, 11:40 pm | |
| دكتور: إيمى نشكرك كل الشكر على هذه الكلمات الجميلة المعبرة حقا عن الزمن الذى نعيش فيه و نرجو منك المزيد و المزيد | |
|
Dr.Emanis Admin المدير العام للمنتدى
الابراج : عدد المساهمات : 1485 تاريخ التسجيل : 25/06/2009 العمر : 39
| موضوع: رد: ابليس يهاجر مصر الجمعة 03 يوليو 2009, 11:43 pm | |
| :بسمم اللله الر
الشكر لك يا قمر علي ردك الجميل ومساهماتك الاجمل :سمكة ليتل: | |
|