صلاه الحاجه مهم جدا

السلام عليكم يا جماعة... اتمنى اللى بكتبه يكون ليه مردود كويس واللى يقراه يستفيد بيه

[ندعوك للتسجيل في المنتدى أو التعريف بنفسك لمعاينة هذه الصورة]

.. صلاة الحاجة هى صلاة يتقرب

بها العبد الى ربه يطلب من حاجة نفسه فيها وهى بتتعمل زى مهقولكو بس ركززززززززززوا شوية
اول حاجة الواحد او الواحدة يتوضأ بس يحسن الوضوء ويصلى لربنا ركعتين بنية خالصة لله وبعد الصلاة يثنى على الله بالتحميد والتسبيح ويصلى على النبى عليه الصلاة والسلام ويدعى بالدعاء ده بس ركزوا بالله عليكو
لا اله الا الله الحليم الكريم سبحان رب العرش العظيم اسالك موجبات رحمتك وعزائم مغفرتك والغنيمة من كل بر والسلامة من كل اثم لا تدع لى ذنبا الا غفرته وللا هما الا فرجته وللا حاجة هى لك رضا الا قضيتها يا ارحم الراحمين.... وبعدين يضيف دعاء الضرير وهو:
اللهم انى اتوجه اليك بنبى محمد نبى الرحمة يا محمد انى استشفع بك الى ربى فى حاجتى لتقضى لى اللهم فشفعه في
وبعد كده قول حاجتك بلغتك متضرع خاشع مبتهل متذلل لربنا سبحانه وتعالى ومش لازم تقول باللغة العربية الفسحة قول بطريقتك بس لازم تلتزم باداب الحديث بين الله والعبد
بس ياجماعة يستحسن تتوضا مخصوص لهذه الصلاة يعنى مش مثلا تكون بتصلى الطهر وتقول بعد صلاة الطهر هصليها يا سيدى او ياستى اتوضا تانى مش هتخسر حاجة خالص وكمان الوضوء ده نور وبيغفر الذنوب وتقعد تكرر الصلاة دى مرة او كذا مرة فى اليوم لحد ما تقضى لك الحاجة ويستحسن تصليها لوحدك ويا سلام لو بليل
بصوا ياجماعة انا الحمد لله بدأ يتصلح حالى الى حد كبير والله وجربت التقرب من ربنا بعد الضياع اللى الواحد كان فيه هو مش ضياع اوى بس كان الواحد ملهى فى اللعب والخروج والفسح الواحد اما بيقرب من ربنا فعلا بيكون مستريح نفسيا وراضى عن نفسه ودى اهم حاجة يا جماعة والله واتمنى ان كل مسلم ومسلمة يقربوا من ربنا اكتر ..
اللى عايز يعرف اى حاجة تساعده للتوبة وقضاء الحوائج او الشفاء او الاستخارة او الشدائد أ أى حاجة تخطر على باله ونفسه فيها انا مجمع كتب كويسة ياريت تنفع اى حدمحتاج منها حاجة كل اللى عليك ابعتلى مسيج وقولى انت او انتى عايزين ايه وانا ان شاء الله هبعتهاله على طول
اللهم اعنا على ذكرك وشكرك وحسن طاعتك
اللهم اعنى بحلالك عن حرامك وبطاعتك عن معصيتك وبسؤالك عمن سواك
ياريت اى حد يستفيد يدعيلى م

» صلاه الحاجه مهم جدا
» صلاه التراويح
» فوائد صلاه الفجر