يا انجازاتك يا مبارك

[ندعوك للتسجيل في المنتدى أو التعريف بنفسك لمعاينة هذه الصورة]

طبعا في ناس كتير مش عاجبها مبارك وناس تانيه بتسأل يعني اشمعنا بعد 30 سنه افتكروا المصريين يثوروا ،،، والان اليكم الل ولكن قبلا نستعرض الانجازات :

1- القضاء على التعليم الفني ومدارسه المختلفه ما ترتب عليه غياب اصحاب الحرف والمهن الحره .....لا حول ولا قوة الا بالله

2- ارتفاع معدلات البطاله المهووله "البطاله في مصر تمثل 44% من البطاله العالميه " خدوا بالكم العالميه يعني احنا قربنا على النص بلا فخر وهنا بقا نتكلم عن ولادنا المتشحططين في كل بلد شويه

3- انعدام المرتبات .......حدث ولا حرج "المحامي والمحاسب والمدرس والكناس في الشارع الشارع كله كله " طبعا مبارك عمل مساواه بين الجميع وخلى المرتب بالتساوي لجميع المهن 150ج علشان ما فيش تفرقه "

4- ظهور الدروس الخصوصيه "وده موضوع لوحده نتكلم فيه بعدين "بعد ما يغور القرد عن سبت الفاكهه "
5- ارتفاع الاسعار لتتمادى وتتعدي بعض الاسعار العالميه ...........تاني مره خدوا بالكم العالميه
6- التدهور التعليمي وطبعا هنا يكفي اننا نتكلم عن الثانويه العامه او نتطرق بالحديث لتالته اعدادي ولا خامسه وسادسه اللي كل شويه نحطها ونشيلها " صحيح اخر حاجه وصلولها ايه ....شلوها !!! "
7- انتشار الفساد والرشوه

8- انتشار غش المونه والبيوت اللي كل يوم بتقع " نفسي اعرف من اللي بيزق العمارات دي !!!" الغش اللي انتشر في عهد مبارك طبعا
9- ظهور نقابه للشحاتين " وطبعا دي من اهو وابرز انجازاتك يامبارك " واسمحولي اخرج برا الموضوع شويه واتوجه للبنات اللي عايزه تتجوز واقولها حطي عينك على الشحات اللي في المنطقه هتاكلي دهب وتنامي على ريش نعام ......."حلاوتها ام حسن "
10- ارتفاع نسبة الواردات وانعدام الصادرات " الحمد لله احنا الشعب الوحيد اللي بيستورد كله من برا قمح وسكر ورز ولحمه وكوسه وبتنجان -كله مستورد اهه ومش عاجبكم بردو !!!! "

11- استيراد العماله الاجنبيه في جميع المجالات " اصل احنا بنعمل كله بأتقان زي العمارات المايله واللي بتقع كدع فلازم نجيب من بره .....وصلت "

12- اختفاء جميع الصناعات من اول المكن والسيارات واللزي منه الى لو مؤاخزه الملابس الداخليه " وهنا احب اشكر الصين وبشده ...."

13- ارتفاع نسب الترفيه : الحشيش والقات في كل مكان وعلني كده وفي الشارع والعب يا معلم لاء وايه اشكال والوان واسعار لدرجة ان ناس كبيره اوي اوي بتيجي مصر مخصوص علشان تجيب الصنف بتاعها المعتبر

14- غياب اللمن من الشارع تماما " هو حب يسيب الشارع براحته تقريبا " وهنا اقول " شكرا للجواز العرفي "يا ســـــــــــتير يارب

15- قانون الطواريء " وما ادراك ما قانون الطوارئ " اسيبلكم التعليق

16- ظهور الميكروباص وده كان حل من الشعب المصري لازمة المواصلات
17- ظهور التكتك وده بردو حل من الشعب المصري لازمة المواصلات
18- ظهور الواد بليه : ده بردو حل من الشعب المصري لازمة البطاله
19- ظهور اطفال الشوارع : وده دليل على الرفاهيه اللي احنا عايشين فيها ........
20- ارتفاع نسب الهروب من التعليم .........يا ترى ليه ؟

21- ظهور الطوابير : طابور العيش وطابور المعاشات وطابور ال...............
22- ظهور العشوائيات : وده كان دعم لعصابات البانجو والسرقه حتى يجدوا ملجأءا لهم
23- انطماس مهنة الطب " مع كامل احترامي للمهنه واصحاب المهنه واترك لهم التعليق "
24- ارتفاع معدلات العنوسه والطلاق ....يا عالم يا هووووه بنات مصر اللي الناس بتسافرلها من كل مكان علشان تتجوز منها تعنس الا دي بقا التعليق عندي اولا " حسبنا الله ونعم الوكــــــــــــيل "
25- انتشار الامراض الوبائيه " كبد وفشل كلوي وفيروس سي والايدز والسرطان "وطبعا الضغط والسكر دول اساسي اه بلاش استهبال بقا
26- تلوث مياه النيل ................يا دهوتي
27- انقطاع المياه والكهرباء عن المدن الجديده والقديمه والعشوائيه " بس فالحين نصدر غاز لاسرائيل "

28- امتلاء المعتقلات بالادباء والحكماء واصحاب الفكر والكتاب والفنانين
29- السلام السلبي مع اسرائيل " وقبليه عملوا معاهدة سلام لكن كانت مصدر قوه وفخر لينا ، يكفي انه حتى وقت انتفاضة الاقصى الاولى منع كل المعونات والامدادات للشعب الفلسطيني وكنا بنهربها تهريب

30- اغلاق اكبر عدد مصانع بعصر مبارك " والتي كانت تمثل 48% من اجمالي الدخل " هزكر مثل واحد بس : مصنع النتاج الحربي وافهموا بقا السبب على مهلكم
اقولوكوا حاجه ثواني وهرجعلكم بالباقي اصل ايدي وجعتني ........فاصل ونعود

» مبارك في القاهرة فجر غدٍ
» محمد حسني سيد سيد إبراهيم مبارك
» أحاديث جانبية بين مبارك ونجليه داخل قفص الاتهام