اطرف النكت والشعارات فى ميدان التحرير ومصر بعد ثورة الشباب فى مصر هههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

اطرف النكت

- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!

- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.

- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

- "بلطجي" لقناة العربية: العيال بيرموا علينا قنابل "بلوتوث".

- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.

- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.

- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.

اطرف الشعارات التي حملها المتظاهرون المعتصمون في ميدان التحرير، فلعل من بين أبرزها:

- رابطة نجاري مصر يسألون الأسطى مبارك: "ما نوع الغراء الذي تستخدمه؟"

- ارحل.. الولية عاوزة تولد والولد مش عايز يشوفك

- ارحل عاوز أتجوز

- ارحل مراتي وحشتني.. متزوج من 20 يوم

- ده لو كان عفريت كان طلع

- لو ما استحمتش النهاردة في بيتنا.. هاستحمى يوم الجمعة في قصر الرياسة

وتعقيباً على الاتهامات بوجود أجندة لدى المعتصمين في ميدان التحرير، ومندسين من الخارج بينهم، سخر البعض بما وصفوه بـ"نشيد الأجندة"، الذي يقول:

أنا مندس.. أنا مندس، هاتلي أجندة ووجبة وبس
من هارديز أو من كنتاكي، هاتلي وجبة دينر بوكس
أو سوبر زنجر من غير خس
هاتلي أجندة من الفجالة أعمل بيها ثورة في مصر
أنا مندس.. أنا مندس، وكل الشعب كمان مندس

كل الناس هنا مش عايزينك، وانت يا حسني مش بتحس
كل فضايحك، كل جرايمك، كلو موجود على ويكيليكس
أنا مندس.. انا مندس، عندي أجندة مستر إكس

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههه
ههههههههههههههههههههههههههههههه
هههههههههههههههههههههههههههههههههههههههههه

بجد تفة يا منى
تسلم ايدك يا رب
ودايما تفرحينا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

~~~~~~~~~~~~~~~~~~~~~~~ ♫ ♫
هههههههههههههههههههههههههه
والله بضحك من كل قلبى على الكلام ده
احنا شعب ملهوش زى ابدااااااااااااااا
تركيبة كده متلقيهاش غير فى الانسان المصرى
وده اللى بيميزنا عن غيرنا
~~~~~~~~~~~~~~~~~~~~~~~~ ✿ ✿

[ندعوك للتسجيل في المنتدى أو التعريف بنفسك لمعاينة هذه الصورة]

» تاريخ ميدان التحرير
» دعوة للضحك مع النكت؟؟؟؟؟؟؟؟
» اخرت اللى تسيب جوزها يطبخ ..... هههههههههههه