رباعيات صلاح جاهين

[ندعوك للتسجيل في المنتدى أو التعريف بنفسك لمعاينة هذه الصورة]

ربـاعيّـات جـاهيـن
لو فيه سلام في الأرض وطمان وأمن
لو كان مفيش ولا فقر ولا خوف جبن
لو يملكالانسان مصير كل شئ
انا كنت اجيب للدنيا ميت ألف ابن
عجبي
*******
العشب طاطاللنسايم ونخ
أخضر طري مالهش في الحسن أخ
عصفور عبيط انا.. غاوي بهجهوغُنا
ح انزل هنا.. وانشالله يهبرني فخ
عجبي
*******
أوصيك يابنيبالقمر والزهور
أوصيك بليل القاهرة المسحور
وإن جيت في بالك.. إشتري عقدفل
لأي سمرا.. وقبري إوعك تزور
عجبي
*******
غمض عينيك وارقصبخفة ودلع
الدنيا هي الشابة وانت الجدع
تشوف رشاقة خطوتك تعبدك
لكن انت لوبصيت لرجليك.. تقع
عجبي
*******
حاسب من الاحزانوحاسب لها
حاسب على رقابيك من حبلها
راح تنتهي ولابد راح تنتهي
مش انتهتأحزان من قبلها؟
عجبي
*******
يأسك وصبرك بينإيديك وانت حر
تيأس ما تيأس الحياة راح تمر
أنا دقت من دا.. ومن دا عجبيلقيت
الصبر مر وبرضك اليأس مر
عجبي
*******

[ندعوك للتسجيل في المنتدى أو التعريف بنفسك لمعاينة هذه الصورة]
ولدي نصحتك لما صوتي اتنبح
ما تخفش من جنّي ولا من شبح
وان هبّ فيك عفريت قتيل إسأله
ما دافعش ليه عن نفسه يوم ما اندبح
عجبي
*******
خوض معركتها زي جدك ما خاض
صالب وقالب شفتك بامتعاض
هي كده.. ما تنولش منها الأمل
غير بعض صد ورد ووجاع مخاض
عجبي
*******
كام اشتغلت يا نيل في نحت الصخور
مليون بئونه والف مليون هاتور
يانيل أنا ابن حلال ومن خلفتك
وليه صعيبه عليّا بس الأمور
عجبي
*******
ولدي إليك بدل البالون ميت بالون
انفخ وطرقع فيه على كل لون
عساك تشوف بعينك مصير الرجال
المنفوخين في السترة والبنطلون

أنا قلت كلمة وكان لها معنيين
كما بطن واحدة وتوأمين زي وشّين
لو دنيا شر.. التوأم الخير يموت
لو دنيا خير.. الشر ح يعيش منين
عجبي
*******
أنا اللي بالأمر المحال اغتوى
شفت القمر نطيت لفوق في الهوا
طلته ما طلتوش إيه انا يهمني
و ليه.. ما دام بالنشوة قلبي ارتوى
عجبي
*******

[ندعوك للتسجيل في المنتدى أو التعريف بنفسك لمعاينة هذه الصورة]

بره الإزاز كان غيم وأمطار وبرق
ما يهمنيش – أنا قلت – ولا عندي فرق
غيرت رأيي بعد ساعة زمان
وكنت في الشارع.. وفي الجزمة خرق
عجبي
*******
عيني رأت مولود على كتف أمهيصرخ تهنن فيه.. يصرخ تضمهيصرخ تقول يا بني ما تنطق كلام
ده اللي ما يتكلمش يكتر همّه
عجبي
*******يا عندليب ماتخافش من غنوتك
قول شكوتك واحكي على بلوتكالغنوه مش ح تموّتك إنماكتم الغُنا هو اللي ح يموّتكعجبي
*******
ياللي بتبحث عن إله تعبده
بحث الغريق عن أي شئ ينجده
الله جميل وعليم ورحمن رحيم
أجمل صفاته.. وانت راح توجده

عجبي

******

حقرا وفوق كوكب حقير محتقر
في الكون تكون دنياكو إيه يا بقر
رملايه من صحرا؟ لكين إيش تقول
و الكون بحاله جوه عقل البشر
عجبي
*******
ياللي في حماه الشمس تلقي الملاذ
و ألف بكره وبكره.. في ضلوعه لاذ
مين أنت؟ مارد؟ رب؟ قال لأ ده بس
انا اللي باروي القمح واسقي الفولاذ
عجبي

[ندعوك للتسجيل في المنتدى أو التعريف بنفسك لمعاينة هذه الصورة]
*******
غسل المسيح قدمك يا حافي القدم
طوبي لمن كانوا عشانك خدم
صنعت لك نعليك أنا يا أخي
مستني إيه؟.. ما تقوم تدوس العدم
عجبي
*******
لا تجبر الانسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيههو اللي بكره ح يشتهي يغيّرهعجبي
خرج ابن آدم من العدم قلت: ياه
رجع ابن آدم للعدم قلت: ياه
تراب بيحيا.. وحي بيصير تراب
الأصل هو الموت ولاّ الحياه؟
وعجبي

*******
ضريح رخام فيه السعيد اندفن
وحفره فيها الشريد من غير كفن
مرّيت عليهم.. قلت ياللعجب
الاتنين ريحتهم لها نفس العفن
وعجبي

*******
ياما صادفت صحاب وماصاحبتهمش
وكاسات خمور وشراب وما شربتهمش
أندم على الفرص اللي انا سبتهم
ولاّ على الفرص اللي ما سبتهمش
وعجبي

*******
الكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود

[ندعوك للتسجيل في المنتدى أو التعريف بنفسك لمعاينة هذه الصورة]

*******
أنا شاب لكن عمري ألف عام
وحيد لكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
وعجبي

*******
ياباب يامقفول.. إمتى الدخول
صبرت ياما واللي يصبر ينول
دقيت سنين.. والرد يرجع لي:
مين؟
لو كنت عارف مين أنا كنت أقول
وعجبي

*******
أحب أعيش ولو في الغابات
أصحى كما ولدتني أمي وابات
طائر.. حيوان.. حشرة.. بشر.. بس أعيش
محلا الحياة.. حتى في هيئة نبات
وعجبي

*******
سهير ليالي وياما لفيت وطفت
و فـ ليه راجع في الضلام قمت شفت
الخوف.. كأنه كلب سد الطريق
و كنت عاوز أقتله.. بس خفت
عجبي

*******
رقبة قزازة وقلبي فيها انحشر
شربت كاس واتنين وخامس عشر
صاحبت ناس مـ الخمرة ترجع وحوش
وصاحبت ناس مـ الخمرة ترجع بشر
وعجبي

[ندعوك للتسجيل في المنتدى أو التعريف بنفسك لمعاينة هذه الصورة]

ليه يا حبيبتي ما بينّا دايما سفر
ده البعد ذنب كبير لا يغتفر
ليه يا حبيبتي ما بينّا دايما
بحور
أعدّي بحر.. ألاقي غيره اتحفر
وعجبي

عجبتني كلمة من كلام الورق
النور شرق من بين حروفها وبرق
حبيت أشيلها ف قلبي .. قالت حرام
ده انا كل قلب دخلت فيه اتحرق
عجبي

قالوا الشقيق بيمص دم الشقيق
والناس ماهياش ناس بحق وحقيق
قلبي رميته وجبت غيره حجر
داب الحجر ...ورجعت قلبي رقيق
عجبي

يا حزين يا قمم تحت بحر الضياع
حزين أنا زيك وإيه مستطاع
الحزن ما بقالهوش جلال يا جدع
الحزن زى البرد . . زى الصداع
عجبي

[ندعوك للتسجيل في المنتدى أو التعريف بنفسك لمعاينة هذه الصورة]
إنشـد يـاقلبـي

إنشـد يـا قلبـي غنــوتك للجـمـال

وارقص في صـدري من اليمين للشـمال

مـا هـوش بعيـد تفضـل لبكره سـعيد

ده كـل يـوم فيـه ألف ألف احتمـال

عـجبي !!

آه لـو أنا ومحبـوبي

آه لـو أنا ومحبـوبي جـزنا الفضـى

فـى سـفينة وحـدينا.. وأشـيا رضا

سـاعة صـفا تعجبنـا نرجـع لـهـا

والهـم قبـل ما ييجي… يبقى مضى

عـجبي !!

أهوى الهـوى

أهوى الهـوى وهمس الهوى في العيـون

وبسـمة المغـرم.. ودمـعـه الحنــون

وزلــزلات الحــب نهــد الصــبا

أكـون أنـا المــحبوب.. أو لا أكـون

عـجبي !!

أوصـيك يا إبنـي

أوصـيك يا إبنـي بالقمــروالزهـور

أوصـيلك بـليل القاهـرة المســحور

وإن جـيت في بالك.. إشـتري عقـد فل

لأي سـمرا.. وقبـري إوعـك تـزور

عـجبى !!

أوقـات

أوقـات أفـوق ويحــل عنـي غبـايا

وأشـعر كأني فـهمت كـل الخبـايـا

وافتـح شـفايفي عشــان أقـول الدرر

مـا أقـولش غير حبة غزل في الصبايا

عـجبي !!

إيـديا فـي جيوبـي

إيـديا فـي جيوبـي وقلبـي طـرب

سـارح في غربة بس مش مـغترب

وحـدي لكـن ونسـان وماشـي كده

وبـابتعد… ما أعرفش… أو باقترب

عـجبي !!

إيش تـطلبي يـانفسـي

إيش تـطلبي يـا نفسـي فـوق كـل ده

حظــك بيضــحك وانـتي متنكـدة

ردت قـالت لـي النفس : قـول للبشـر

مـا يبصـوليش بعيـون حـزينـة كـده

عـجبي !!

إيه اللي خدتـه

إيه اللي خدتـه من مرور السـنين

يا قلبـي الا دمـعتك والأنـيـن

بتئن وبتفــرح وترجــع تحــن

مـع إن مـش كل البشر فرحـانين

عـجبي !!

أيـوب رمـاه الـبـين

أيـوب رمـاه الـبـين بـكـل الــعلل

سـبع سـنين مـرضان وعـنـده شـلل

الصـبر طيـب.. صـبر أيـوب شـفـاه

بـس الأكـاده مـات بـفـعل الـمـلل

عـجبي

الله عليك ياشاعرنا الكبير كلماتك ذات دلالات جميلة وياتري هل سيظهر لنا صلاح جاهين اخر في وقتنا هذا سؤال مطروح ارجو الاجابة عليه

بجد رائعه وابداع ليس له مثيل رباعيات صلاح جاهين 605784

» قصيدة الدرس انتهى لموا الكراريس لصلاح جاهين
» صلاح الدين
» صلاح الدين الايوبى