Esraa Eman Hussein{Admin}
Admin المدير العام للمنتدى
الابراج : 
عدد المساهمات : 4049
تاريخ التسجيل : 15/06/2009
العمر : 35
الموقع : www.esraa-2009.ahlablog.com
 |  موضوع: قصيدة الدرس انتهى لموا الكراريس لصلاح جاهين  الجمعة 08 أبريل 2011, 9:22 pm | |
|
[ندعوك للتسجيل في المنتدى أو التعريف بنفسك لمعاينة هذه الصورة]
قصيدة الدرس انتهى لموا الكراريس
لصلاح جاهين
كتب صلاح جاهين قصيدته لموا الكراريس يصف فيها الوحشية التي قتل بها التلاميذ نتيجة قصف الطائرات الحربية الاسرائيلية فى صباح يوم 8 ابريل عام 1970 على مدرسة بحر البقر الابتدائية بمركز الحسينية بمحافظة الشرقية فدمرت المكان وقتلت العشرات من التلاميذ الابرياء
ويخاطب ضمير العالم العربي و الغربي بأن ينتبه لما يحدث
[ندعوك للتسجيل في المنتدى أو التعريف بنفسك لمعاينة هذه الصورة]
الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..
ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …
ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس
| |
|
mony moon
supervisour مشرفة
الابراج : 
عدد المساهمات : 696
تاريخ التسجيل : 15/02/2010
العمر : 38
| | موضوع: رد: قصيدة الدرس انتهى لموا الكراريس لصلاح جاهين السبت 09 أبريل 2011, 1:13 pm | |
| | |
|
